Qonunchilik palatasi deputati Rasul Kusherbayevning Telegram’dagi “Kusherbayevga murojaat” kanaliga Tashkent Index vaqtinchalik yotoqxonasidagi talabalardan murojaat kelib tushdi.
Unda bildirilishicha, yotoqxonada hali qish kelib ulgurmasidan qator muammolar vujudga kelgan. Jumladan, bir necha kundan buyon suv yo‘q. Qolaversa, hojatxonalar shu sababli yopib tashlangani uchun hech kim kira olmayapti. Dushda ham vaziyat shunday. Avtobuslar ham tekin bo‘lishi aytilganiga qaramay, pulli qilib qo‘yilgan.
Ushbu murojaat yuzasidan rasmiy munosabat berilganicha yo‘q.
Mavzuga doir: “Toshkentda bir haftada 10 ming o‘rinli qo‘shimcha yotoq joy yaratiladi” — Ortiqxo‘jayev
Avvalroq Toshkentda vaqtinchalik avtobus yo‘nalishlari harakati tashkil etilgani haqida xabar berilgan edi. Ushbu avtobus yo‘nalishlari talabalarni to‘g‘ridan to‘g‘ri Tashkent Index talabalar yotoqxonasidan o‘quv manzillariga yetib olishlari hamda turar joylariga qaytib kelishlari uchun maxsus tashkil etilgan bo‘lib, mazkur yo‘nalishda xizmat ko‘rsatish huquqi vaqtinchalik navbatdagi tenderga qadar jamiyatning “4-Avtobus saroyi” va “12-Avtobus saroyi” filiallariga biriktirilgan.
Izoh (0)