Ijtimoiy tarmoqlarda Surxondaryo viloyatining Boysun tumanidagi Sangin Amongul Invest MCHJ rahbari A.N. tomonidan o‘rmon yerlari sotilayotgani to‘g‘risida xabarlar tarqaldi. Holat viloyat prokuraturasi tomonidan o‘rganildi.
Aniqlanishicha, A.N. o‘zini Sangin Amongul Invest MCHJ rahbari deb tanishtirib, fuqaro J.Xusanovga 2022-yilning may oyida Boysun tumani, “Yuqori machay”, “O‘rta machay” va “Qizilnavr” mahallalari hududida bo‘lgan o‘rmon xo‘jaligi yerlarining bir qismini berishni va’da qilib, undan 3 million so‘m olib, o‘zlashtirgan
Bundan tashqari, A.N. o‘zini klaster boshlig‘i deb tanishtirib, fuqaro S.Poyonovga 2022-yilning 22-iyunida Boysun tumani, “Yuqori machay”, “O‘rta machay” va “Qizilnavr” mahallalari hududida bo‘lgan o‘rmon xo‘jaligi yerlarining bir qismini berishni va’da qilib, S.Poyonovdan 17 million so‘m va 100 dollar pullarini olib, o‘zlashtirgan.
Mazkur holat yuzasidan Boysun tuman IIB huzuridagi Tergov guruhi tomonidan 9-sentabr kuni Jinoyat kodeksining 168-moddasi 3-qismining “b” bandi (takroran sidur etilgan firibgarlik) bilan jinoyat ishi qo‘zg‘atilib tergov harakatlari olib borilmoqda.
Izoh (0)