Farg‘onada fuqaro issiqxona qurish uchun ajratilgan yerni 35 ming dollarga sotmoqchi bo‘lganida qo‘lga tushdi

Farg‘ona shahrida yer maydoni savdosi bilan bog‘liq firibgarlik holati fosh etildi, deb xabar bermoqda Bosh prokuratura huzuridagi departament.

Departamentning Farg‘ona shahar bo‘limi tomonidan IIB xodimlari bilan hamkorlikda o‘tkazilgan tezkor tadbirda, fuqaro X.N. boshqa bir fuqaro B.S.ga go‘yoki yuqori lavozimda ishlovchi tanishlari yordamida “Z.F.” MCHJga gulchilikka ixtisoslashgan issiqxona qurish uchun ajratib berilgan, 4,5 gektar yer maydonini 35 ming dollarga sotishga kelishib, oldindan 15 ming dollarni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Toshkent viloyatida 1 gektar yerni 400 ming dollarga sotmoqchi bo‘lganlar qo‘lga olindi
• Sirdaryoda daryo qirg‘og‘idagi 4,5 gektar yerni 240 ming dollarga sotishga uringan shaxslar ushlandi