“Barselona” va “Liverpul” qishki transfer oynasida o‘zaro futbolchi almashmoqchi

“Barselona” va “Liverpul” qishki transfer oynasida futbolchilarni almashtirishi mumkin.

Diario Sport xabariga ko‘ra, kataloniyaliklar Roberto Firminoni, inglizlar esa Memfis Depayni o‘z safiga qo‘shib olmoqchi.

Rokirovkaning sababi futbolchilarning nihoyasiga yetayotgan shartnomasi hisoblanadi. 2023-yil yozida Firminoning “Liverpul” bilan, Depayning “Barselona” bilan shartnomasi o‘z yakuniga yetadi.

Jamoalar futbolchilarini tekinga qo‘yib yuborishni xohlamay, ularni rokirovka qilish haqida o‘ylamoqda.

Roberto Firmino 2022/23-yilgi mavsum “qizillar” safida 8 ta o‘yin o‘tkazib, 3 ta gol va 3 ta golli uzatmaga mualliflik qildi. Depay esa 3 ta o‘yinda maydonga tushgan va bitta golni o‘z hisobiga yozdirib qo‘ydi.