Leonardo Bonuchchi Italiya terma jamoasidagi o‘yinlar soni bo‘yicha Kyellini va de Rossiga yetib oldi, oldinda 3 futbolchi bor

Italiya terma jamoasi himoyachisi Leonardo Bonuchchi Millatlar Ligasining 5-turi Angliyaga qarshi o‘yinda (1:0) asosiy tarkibda maydonga tushdi.

Bonuchchi Italiya safidagi o‘yinlar sonini 117 taga yetkazdi va terma jamoada eng ko‘p o‘yin o‘tkazgan futbolchilar ro‘yxatida 4-o‘ringa ko‘tarilib oldi. Jorjio Kyellini va Danele de Rossilar ham xuddi shunchadan o‘yin o‘tkazgan va ular hozirda 4-o‘rinni bo‘lishib turibdi.

Janluijji Buffon Italiya terma jamoasida eng ko‘p o‘yin o‘tkazgan. Darvozabon hisobida 176 ta o‘yin mavjud. Ikkinchi o‘rinni Fabio Kannavo (136) va uchinchi o‘rinni Paolo Maldini (126) egallab turibdi.