O‘zbekistondagi ta’lim muassasalarida aholiga pullik xizmat ko‘rsatuvchi sport to‘garaklari tashkil etiladi. Bu haqda Telegram’dagi “Huquqiy axborot” kanali xabar qildi.
Qayd etilishicha, Vazirlar Mahkamasining 78-son qarori bilan kam ta’minlangan oilalardan to‘garakka boradiganlarga to‘lovlar 50 foizga kamaytiriladi.
Bunda oilaning kam ta’minlangani “Ijtimoiy himoya yagona reyestri” orqali aniqlanadi.
Bir oiladan 2 yoki undan ko‘p farzand ishtirok etganda, to‘lovlar imtiyozli ravishda har bir bola uchun 70 foiz miqdorida qo‘llanadi.
Izoh (0)