“Tolibon” Bishkek va Dushanbeni murosa qilishga chaqirdi

“Tolibon” boshchiligidagi Afg‘oniston TIV rasmiy vakili Abdul-Qahhor Balxiy tojik-qirg‘iz chegarasidagi mojarolardan xavotirda ekanligini ma’lum qildi.

U har ikki tomonda, jumladan, tinch aholi vakillari orasida qurbonlar bo‘lganidan, chegaradosh hududlar aholisining majburan uylarini tark etayotganidan afsusda ekanini bildirdi.

“Islom Amirligi har ikki tomonni chegaraviy kelishmovchiliklarni tinchlik va muloqot yo‘li bilan hal qilishga chaqiradi. Davom etayotgan janglar butun mintaqadagi xavfsizlik va barqarorlikka salbiy ta’sir qilishi mumkin. Chegaraning har ikki tomonida istiqomat qiladigan odamlar jabr ko‘rishi yoki uylarini tashlab ketishga majbur bo‘lishi noto‘g‘ri,” deyiladi rasmiy vakilning Twitter’dagi izohida.