Jizzaxda yosh bolalarning qarovsiz qolishi oqibatida molxonada yong‘in yuz berdi

Jizzax viloyatining G‘allaorol tumanidagi xonadon molxonasida yosh bolalar olov bilan o‘ynashi oqibatida yong‘in kelib chiqdi.

Viloyat FVB matbuot xizmatining xabar berishicha, 17-sentabr kuni soat 11:15da tumanning “Qo‘ytosh” SHFY “Savruksoy” mahallasida joylashgan uyda yashovchi fuqaro molxonasida yong‘in sodir bo‘layotgani to‘g‘risida xabar kelib tushgan.

Xabar yuzasida zudlik bilan voqea joyiga G‘allaorol tuman FVBning bitta Yong‘in o‘chirish ekipaji jalb qilinib, yong‘in bartaraf qilingan. Yong‘in oqibatida molxonaning 45 metr kvadrat shift va tom qismi va ichida bo‘lgan bir tirkama somoni yonib zararlangan.

O‘rganishlar davomida ushbu yong‘in qarovsiz qolgan yosh bolalarning olov bilan o‘ynashi natijasida kelib chiqqani aniqlangan.

Mavzuga doir: Toshkentdagi xonadonlardan birida sodir bo‘lgan yong‘inda bir kishi halok bo‘ldi