Yevropadagi elektr stansiyalari uchun “daromad chegarasi” joriy etiladi — Reuters

Yevropa Komissiyasi (YK) gazda ishlamaydigan elektr stansiyalari, jumladan, quyosh, geotermal, atom va ba’zi gidroelektr stansiyalari uchun cheklangan daromadlarni joriy etish rejasini ishlab chiqdi. Bu haqda Reuters xabar bermoqda.

Agentlik ma’lumotlariga ko‘ra, Yevropa elektr energiyasi ishlab chiqaruvchi kompaniyalarning YKdagi ortiqcha foydasini cheklash orqali ular narxlarning keskin oshishiga duch kelgan iste’molchilarni qo‘llab-quvvatlamoqchi.

YK shuningdek, bunday kompaniyalardan maxsus jamg‘armaga “birdamlik hissasi” kiritishni talab qiladi, bu fonddan mamlakatlar energiya inqirozi oqibatlarini yumshatish choralari uchun foydalanish mumkin. Taklif loyihasi Bryussel tomonidan shu haftaning boshida e’lon qilinishi mumkin.

Yevropada elektr energiyasining jahon narxlarining oshishi fevral oyi oxiridan, Yevropa Ittifoqi Ukrainadagi urushga javoban Rossiyaga qarshi sanksiyalar kiritganidan beri davom etmoqda.

Avvalroq Yevropada narxlar o‘sishi yangi rekord darajaga yetgani haqida xabar berilgandi.