Video: Moskvada Gorbachyov bilan vidolashuv bo‘lib o‘tmoqda. Marosimga minglab odamlar, jumladan, Pugachyova va Medvedev tashrif buyurdi

Moskvadagi Soyuzlar uyining Kolonniy zalida SSSR prezidenti Mixail Gorbachyov bilan vidolashuv marosimi boshlandi.

Reuters tomonidan olib borilayotgan translyatsiyaga ko‘ra, bino yaqinida o‘rnatilgan panjaralar oldida uzun navbat hosil bo‘lgan. Politsiya olomonni bir necha o‘nlab odamlardan iborat guruhlarga bo‘lib o‘tkazmoqda.

Marosimda, xususan, xonanda Alla Pugachyova va Rossiya Federatsiyasi Xavfsizlik kengashi raisi o‘rinbosari, Rossiya sobiq prezidenti Dmitriy Medvedev ishtirok etmoqda, deb yozadi “RBK”. Vladimir Putin dafn marosimiga kelmagan, u Gorbachyov bilan alohida vidolashgan edi.

Vengriya hukumati bosh vazir Viktor Orbanning ushbu marosimda ishtirok etish rejasini e’lon qilgandi.