Formula 1 bo‘yicha 2022-yilgi mavsumning hisob bo‘yicha 14-Gran-prisi Belgiyada bo‘lib o‘tdi.
Unda Red Bull poygachisi Maks Ferstappen g‘oliblikni qo‘lga kiritdi. Ferstappenning jamoadoshi Serxio Peres ikkinchi o‘rinni qo‘lga kiritgan bo‘lsa, Ferrari vakili Karlos Sayns kuchli uchlikdan joy oldi.
2022-yilgi mavsum so‘ngida faoliyatini yakunlashini ma’lum qilgan Sebastyan Fettel ushbu Gran-prini 8-pog‘onada yakunladi. Lyuis Hemilton esa Fernando Alonso bilan to‘qnashuvdan keyin poygani erta yakunlashga majbur bo‘ldi.
Ortda qolgan 14 poyganing 9 tasida g‘alaba qozongan niderlandiyalik sportchi 284 ochko bilan umumiy ro‘yxatda yetakchilik qilmoqda. Serxio Peres (191) ikkinchi o‘ringa ko‘tarilib olgan bo‘lsa, Sharl Lekler (186) 3-pog‘onaga tushdi.
2022-yilgi mavsumning ortda qolgan Gran-prilarida g‘olib bo‘lganlar bilan tanishing:
- Sharl Leker (Bahrayn Gran-prisi)
- Maks Ferstappen (Saudiya Arabistoni)
- Sharl Lekler (Avstraliya)
- Maks Ferstappen (Emili-Romanyi, Italiya)
- Maks Ferstappen (Mayami, AQSh)
- Maks Ferstappen (Ispaniya)
- Serxio Peres (Monako)
- Maks Ferstappen (Ozarbayjon)
- Maks Ferstappen (Kanada)
- Karlos Sayns (Buyuk Britaniya)
- Sharl Lekler (Avstriya)
- Maks Ferstappen (Fransiya)
- Maks Ferstappen (Vengriya)
- Maks Ferstappen (Belgiya)
Izoh (0)