Rossiya oltini importiga G‘arb embargosi kuchga kirgandan so‘ng, Xitoy mamlakatning ushbu qimmatbaho metallini sotib olish hajmini keskin oshirdi. Bu haqda “RBK” xabar bermoqda.
Xitoy ma’lumotlariga ko‘ra, iyul oyida mamlakat 109 million dollarlik Rossiya oltinini import qilgan, bu iyun oyiga nisbatan 8,6 barobar ko‘p.
2022-yil iyul oyida Rossiyadan Xitoyga oltin importi 108,8 million dollarni tashkil etdi – bu iyun oyidagiga nisbatan 8,6 baravar (12,7 million dollar) va o‘tgan yilning iyul oyiga nisbatan (2,2 million dollar) 50 baravar ko‘p.
Iyun oyi oxirida G7 davlatlari Rossiyadan oltin importini taqiqlashga kelishib oldi. AQSH tomonidan Rossiya oltinining yangi importiga taqiq iyun oyi oxirida darhol kuchga kirdi. Yevropa Ittifoqi va Buyuk Britaniya 21-iyul kuni ushbu embargoga qo‘shildi.
Shuningdek, avgust oyi boshida ushbu qimmatbaho metallni qayta ishlash bo‘yicha eng yirik markaz bo‘lgan Shveysariya tomonidan Rossiyadan oltin importiga embargo joriy qilingan.
2022-yil fevraligacha Rossiya oltin eksporti asosan Buyuk Britaniyaga yo‘naltirilgan — o‘tgan yil davomida 15,2 milliard dollar yoki barcha yetkazib berishning 84 foizi.
2021-yilda taxminan 1 milliard dollarlik qimmatbaho metall to‘g‘ridan to‘g‘ri Shveysariyaga yuborilgan.
Birlashgan Arab Amirliklari (BAA), Germaniya, Italiya va Hindiston har biri 320–340 million dollardan Rossiya oltinini sotib olgan. Xitoy 2021-yilda 237 million dollarlik Rossiya oltinini import qilgan.
Muqobil bozorlar
Xitoyning iyul oyidagi statistik ma’lumotlari birinchi bo‘lib Rossiya oltin yetkazib berishni Sharqiy bozorlarga yo‘naltirganini ko‘rsatadi.
Mutaxassislar Xitoy va Yaqin Sharq mamlakatlari, masalan, Birlashgan Arab Amirliklari Rossiya oltinining muqobil bozoriga aylanishi mumkinligini taxmin qilmoqda.
Embargoga qo‘shilmagan mamlakatlardan Rossiya oltinini sotib oluvchilarga nisbatan ikkinchi darajali sanksiyalar qo‘llanilmadi.
Avvalroq O‘zbekistonning oltin-valyuta zaxiralari qariyb 1 mlrd dollarga kamaygani haqida xabar berilgandi.
Izoh (0)