APL. Bir kishi kam bo‘lib harakat qilgan “Liverpul” bazo‘r mag‘lubiyatdan qutulib qoldi
Futbol bo‘yicha Angliya Premyer Ligasining 2-turida “Liverpul” 15-avgust, dushanba kuni “Kristal Pelas” bilan bahs olib bordi.
Uchrashuvning 32-daqiqasida Uilfred Zaa hisobni ochdi. Birinchi bo‘limning qolgan daqiqalarida jamoalar darvozani aniq nishonga ololmadi.
Ikkinchi bo‘limda jamoalar hujumkorlikni oshirishga urindi. 57-daqiqada Darvin Nunyes qizil kartochka olib, maydonni tark etdi. 61-daqiqada Luis Dias muvozanatni tikladi.
Ushbu durang natijadan so‘ng mersisaydliklar ochkolari sonini 2 taga yetkazib, 12-o‘rindan joy oldi. “Kristal Pelas” esa 1 ochko bilan 16-pog‘onani band etdi.
APL
2-tur bahsi
15-avgust, dushanba
“Liverpul” — “Kristal Pelas” 1:1
Gollar: 0:1 – 32 Zaa, 1:1 – 61 Dias.“Liverpul”: Alisson, Aleksander-Arnold, van Deyk, Fillips (Gomes, 63), Robertson (Simikas, 63), Milner (Henderson, 63), Fabinyo, Elliott (Karvalyu, 79), Saloh, Dias, Nunyes.
“Kristal Pelas”: Guaita, Klayn, Uord, Andersen, Gehi, Mitchell (Richards, 79), Eze (Milivoyevich, 79), Shlupp (Olise, 88), Dukure (Hyuz, 79), Ayyu (Eduar, 63), Zaa.
Ogohlantirishlar: Dias (40), Andersen (57), Uord (68), Eduar (88), Guaita (90+1), Simikas (90+2).
