Uzbekistan Airways’ning Antaliyadan Toshkentga uchgan samolyotida 5 kishi mushtlashdi. IIV Transport va turizm obyektlarida xavfsizlikni ta’minlash departamenti matbuot xizmati xabar berdi.
Voqea 15-iyulda amalga oshirilgan НY-372 reysida sodir bo‘lgan. Yo‘lovchilarning 5 nafari — S.L., S.M., A.SH., K.T. va K.N. jamiyatda yurish-turish qoidalarini qasddan mensimasdan, samolyot bortida janjal chiqargan va buning oqibatida bir-birlariga yengil tan jarohatlari yetkazgan.
Holat yuzasidan IIV Transportda xavfsizlikni ta'minlash bosh boshqarmasi tergov boshqarmasi tomonidan Jinoyat kodeksining 277-moddasi (mayda bezorilik) bilan jinoyat ishi qo‘zg‘atilgan.
Mavzuga doir: Toshkent aeroportida qalbaki pasport bilan uchmoqchi bo‘lgan 7 nafar Afg‘oniston fuqarosi qo‘lga olindi
Izoh (0)