O‘zbekistonda pomidor narxlari bir oyda o‘rtacha 35 foizga arzonlashgan

O‘zbekistonda 2022-yilning iyul oyida pomidor narxlari iyun oyiga nisbatan, ya’ni bir oyda o‘rtacha 35,6 foizga arzonlashgan. Bu haqda Davlat statistika qo‘mitasi xabar qildi.

Qayd etilishicha, pomidor narxlari yil boshidan buyon o‘rtacha 62,4 foizga pasaygan.

Shuningdek, o‘tgan yilning mos oyiga nisbatan, ya’ni yillik nisbatda o‘rtacha 4,8 foizga oshgani kuzatilgan.