2022-yilning fevral oyida xonanda Adel Silvestr Stallonening Beverli-Xillzdagi koshonasini sotib oldi. Endilikda u Los-Anjelesda to‘rtta mulkka egalik qiladi, deb yozadi “Pravila jizni”.
Ma’lumotlarga ko‘ra, u 58 million dollarlik hashamatli uyni sotib olish uchun 37,7 million dollar ipoteka krediti olgan. Ta’kidlanishicha, bu 34 yoshli qo‘shiqchi uchun juda ham jiddiy mablag‘: uning boyligi 183 million dollarga baholangan.
Nashrning yozishicha, 30 yil davomida Adel oyiga 227 ming dollar, jumladan, mol-mulk solig‘i va ipoteka foizlarini to‘lashi kerak. Kredit shahar Milliy banki tomonidan berilgan.
Yangi koshonada Adel sevgan insoni Rich Pol bilan yashaydi, juftlik bir necha oy oldin u yerga ko‘chib o‘tgan. 2022-yilning may oyida xonanda uy oldida uning kalitlarini ushlab turgan surati bilan bo‘lishgan.
Muhtasham uy 1700 kvadrat metr maydonni egallaydi, uchastkaning hududi 1,4 gektarni tashkil qiladi. Uyda sakkizta yotoq xona, 12 ta hammom, uy kinoteatri, suzish havzasi va “haqiqiy Rokki sport zali” mavjud.
Qolaversa, 2022-yil yanvar oyida Adel logistika va koronavirus bilan bog‘liq muammolar tufayli Las-Vegasda uzoq kutilgan konsertini qoldirganini e’lon qilgandi. Yaqinda u qoldirilgan konsertlar noyabr oyida bo‘lib o‘tishini ma’lum qildi. Xabar qilinishicha, u har bir shou uchun 1 million dollardan oladi.
Izoh (0)