Toshkent shahri Chilonzor tumanida katta daraxtlarning ildiziga shikast yetkazilgani haqida xabar berilgandi. Tuman hokimligi holat yuzasidan munosabat bildirdi.
Chilonzor tumani hokimligi tegishli mas’ullarining ma’lumotlariga ko‘ra, bugungi kunda tuman hududida keng ko‘lamli obodonlashtirish va bunyodkorlik ishlari olib borilmoqda. Aholi dam oladigan joylar, alleyalar, sayilgohlar qurilishi ishlari davom etmoqda.
Shu o‘rinda, qurilish ishlari ketayotgan ayrim hududlarda qurilish tashkiloti tomonidan daraxtlarga e’tiborsizlik qilingan holatlar ham bo‘lgan. Hozirda tumanda qurilish ketayotgan hududlardagi daraxtlarning holati o‘rganilib, tuman ekologiya va atrof-muhitni himoya qilish bo‘limi mas’ullari tomonidan nazoratga olingan.
Bu borada aholining jamoatchilik nazoratiga ham e’tibor qaratilib, kelib tushgan murojaatlar tezda o‘rganilmoqda va zaruriy choralar ko‘rilmoqda.
Ijtimoiy tarmoqlarda tarqalgan suratlarga ko‘ra, voqea joyiga bosh prokuror, Ekologiya qo‘mitasi raisi, Toshkent shahri hokimi va Prezident administratsiyasi vakillari yetib borgan.
Izoh (0)