Namanganda joriy yil 6 oyi davomida ko‘rib tamomlagan ishlar orasida eng katta o‘sish o‘zlashtirish yoki rastrata yo‘li bilan talon-taroj qilish bilan bog‘liq jinoyatlar hisobiga to‘g‘ri keldi. Bu haqda Namangan viloyat sudi jinoyat ishlari bo‘yicha sudlov hay’ati raisi Adhamjon Mirzayev ma’lum qildi, deya xabar beradi “Daryo” muxbiri Azizbek Abduvaliyev.
Mirzayevga ko‘ra, viloyatda Jinoyat kodeksining 167-moddasi — o‘zlashtirish yoki rastrata yo‘li bilan talon-toroj qilish bilan bog‘liq jinoyati uchun sudlangan shaxslar soni 366 kishini tashkil etgan. O‘tgan yilning shu payti ularning soni 135 kishiga teng bo‘lgan. Bu 171 foiz o‘sishni anglatadi.
“Shuningdek, 2022-yilning birinchi yarmi davomida hukm chiqarilib yakunlangan ishlar sirasida talonchilik, firibgarlik, bezorilik, giyohvandlik, qasddan badanga og‘ir va o‘rtacha og‘irlikda tan jarohat yetkazish, o‘g‘rilik, poraxo‘rlik va harakat xavfsizligi qoidalarini buzish kabi jinoyatlar salmog‘i o‘tgan yilga nisbatan ortganini kuzatish mumkin”, — deydi Adhamjon Mirzayev.
Izoh (0)