Toshkentda 4,4 mln so‘m, Farg‘onada 1,9 mln so‘m: O‘zbekistonda o‘rtacha rasmiy ish haqi miqdorlari ma’lum bo‘ldi

2022-yil yanvar—iyun oylarida O‘zbekistondagi xodimlarga 82,5 trln so‘mga yaqin ish haqi hisoblangan. Bu haqda Davlat soliq xizmati xabar bermoqda.

Ma’lumotlarga ko‘ra, shu davrda rasman 5,4 mln nafarga yaqin xodimga ish haqi hisoblangan.

Mamlakatda o‘rtacha oylik ish haqi 2,77 mln so‘mni tashkil etmoqda.

Hududlar kesimidagi eng ko‘p o‘rtacha oylik ish haqi Toshkent shahrida qayd etilgan — 4,4 mln so‘m.

Ikkinchi o‘rinda Navoiy viloyati — 3,77 mln so‘m. Uchinchi o‘rinda esa Toshkent viloyati — 2,84 mln so‘m.

Keyingi o‘rinlarda mos ravishda Qoraqalpog‘iston (2,44 mln so‘m), Andijon (2,29 mln so‘m), Buxoro (2,26 mln so‘m), Qashqadaryo (2,11 mln so‘m), Surxondaryo (2,1 mln so‘m), Samarqand (2,09 mln so‘m), Jizzax va Xorazm (2,08 mln so‘m) viloyatlari turibdi.

O‘rtacha oylik ish haqi eng past bo‘lgan viloyatlar uchligiga esa Namangan (2,05 mln so‘m), Sirdaryo (1,98 mln so‘m) va Farg‘ona (1,96 mln so‘m) kiradi.