Farg‘ona viloyati Oltiariq tumanida qarzdor aliment uchun 11 bosh qo‘y berdi. Bu haqda Majburiy ijro byurosi matbuot xizmati ma’lum qildi.
Byuroning Oltiariq tumani bo‘limi ish yurituvida FIB Rishton tumanlararo sudining qaroriga asosan qarzdor X.D.dan undiruvchi X.E. foydasiga 1/4 qism miqdorida aliment undirish haqidagi ijro hujjati mavjud bo‘lib, aliment pullari o‘z vaqtida undirib kelingan.
Qarzdor va undiruvchining o‘zaro kelishuviga asosan farzandining 18 yoshga to‘lguniga qadar to‘lanishi lozim bo‘lgan 20,2 million so‘m aliment hisobiga qarzdordan unga tegishli bo‘lgan 11 bosh qo‘y undiruvchiga olib berildi va ijro hujjati undiruvchining arizasiga asosan tamomlandi.
Izoh (0)