Jizzax viloyatida tadbirkorga 1,7 milliard so‘m kredit olib berishni va’da qilgan erkak qo‘lga olindi. Bu haqda Iqtisodiy jinoyatlarga qarshi kurashish departamenti xabar berdi.
Unga ko‘ra, Bosh prokuratura huzuridagi departament hamda IIVning Jizzax viloyati boshqarmalari tomonidan tadbirkorlik subyektlarining huquqlarini himoya qilish yuzasidan tezkor tadbir o‘tkazilgan. Unda fuqaro S.X. Jizzax shahridagi “Q.” oilaviy NTM rahbari G.ning ishonchiga kirib, unga bank muassasalarida ishlovchi tanishlari orqali NTM faoliyatini rivojlantirish uchun 1,7 milliard so‘m kredit olib berish evaziga 1500 dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)