Gollivudning mashhur aktrisalaridan biri Ember Xyord hamkasbi, sobiq turmush o‘rtog‘i Jonni Deppga sudda belgilangan tovon pulini to‘lash maqsadida qiymati 1 million dollarga teng uyini sotdi.
Iyun oyining boshida “Karib dengizi qaroqchilari” kinokartinasidagi roli orqali millionlab muxlislarning qalbini zabt etgan aktyor Jonni Depp turmush o‘rtog‘i Ember Xyord bilan ajrashgan edi. Muxlislar ular o‘rtasidagi kelishmovchiliklar shu orqali yakun topishiga ishongan edi, biroq unday bo‘lmadi, aktyorning rafiqasi sud ishini qayta ko‘rib chiqish bo‘yicha shikoyat arizasini berdi. Bu holatdan keyin Jonni Depp ham shikoyatga qarshi da’vo arizasini berdi.
Sudning qaroriga ko‘ra, Ember Jonni Deppga 15 million dollar tovon pulini to‘lashi shart. Aktrisaning advokatlari uning katta miqdordagi tovon pulini to‘lashga imkoniyati yo‘qligini aytgan. Xyord ikkinchi sud uning foydasiga hal bo‘lishini kutmoqda. Ma’lumotlarga ko‘ra, aktrisa Yukka vodiysidagi uyini 1 million dollarga sotgan. Bu mablag‘ esa sud va Jonni Deppga berishi kerak bo‘lgan tovon puli uchun yetarli emas.
Ma’lumot uchun, Jonni va Ember 2012-yilda uchrasha boshlagan va 2015-yilda turmush qurgan. Juftlik 2017-yilda munosabatlari yakunlanganini ma’lum qilgan. Ajralishdan keyin aktrisa sobiq turmush o‘rtog‘ini oiladagi zo‘ravonlikda aybladi. “Akvamen” kinokartinasi yulduzi Ember Xyord dalil sifatida tanasidagi ko‘karishlarni va yaralarni ko‘rsatgan, biroq aktyor o‘ziga qo‘yilgan barcha ayblovni rad etgan.
Mavzuga doir:
- Ember Xyord bor haqiqatni aytish uchun Jonni Depp bilan janjalga boy bo‘lgan nikohi haqida kitob yozishga qaror qildi
- “Jonni — hammaning sevimli qahramoni, odamlar ham uni bilamiz, deb o‘ylaydi”. Ember Xyord ilk bor sud haqida so‘zlab berdi
- Jonni Depp va Ember Xyordning Los-Anjelesdagi pentxausi sotuvga qo‘yildi (foto)
- Jonni Depp Ember Xyord unga to‘lashi kerak bo‘lgan pulning 8 mln dollaridan voz kechishi mumkin
Izoh (0)