Yoz o‘rtalarida haroratning sezilarli darajada ko‘tarilishi salqin oylarga nisbatan yoqimli o‘zgarish kabi ko‘rinishi mumkin, ammo esda tutingki, issiqlik sog‘liq va go‘zallik uchun xavf tug‘diradi — ayniqsa teri va sochlarni quyoshning zararli ultrabinafsha nurlaridan ishonchli himoya qilish choralari ko‘rilmagan bo‘lsa.
Bosh terisini himoya qiling
Bosh terisi ultrabinafsha nurlarining kuchli ta’siri tufayli eng ko‘p zarar ko‘radigan joy bo‘lib, bu sochlarning holatiga katta ta’sir ko‘rsatishi mumkin. Agar bosh terisini quyosh urgan bo‘lsa, u teri hujayralarining jiddiy yo‘qolishiga olib keladi, bu soch to‘kilishiga, sochlarning ingichkalashiga va ildizlarning shikastlanishiga sabab bo‘ladi va doimiy muammolarga olib keladi.
Bosh terisini himoya qilish uchun soch ildiziga quyoshga qarshi krem surtishni unutmang va to‘g‘ridan to‘g‘ri quyosh nuri ostida iloji boricha yopiq holda saqlang. Buning uchun SPF shampun va konditsionerlarni, shuningdek, ultrabinafsha nurlardan himoya qiluvchi spreylardan foydalanish mumkin.
Konditsionerli mahsulotlardan foydalaning
Haddan tashqari jaziramada sochlarning holati bilan bog‘liq asosiy tashvishlardan biri shundaki, tolalar to‘liq qurib ketishi mumkin — ildizdan uchigacha. Ularni himoya qilish va oziqlantirish uchun konditsioner mahsulotlardan foydalanish lozim. Ular kuchli namlik qatlamini saqlashga yordam beradi va quyosh ularning tashqi himoya qatlamiga zarar yetkaza olmaydi. To‘yimli mahsulotlar sinishning oldini olish, bo‘lingan uchlarini yopish va chigallardan xalos bo‘lish uchun kerakli moddalar bilan ta'minlaydi, sochlaringizni silliq va yorqin qiladi.
Quyoshli kunlarda bosh kiyim kiying
Bosh terisi va bo‘yalgan sochlarni quyoshdan himoya qilishning yana bir yaxshi usuli — bosh kiyim kiyish. Bosh kiyimi keng bo‘lishi juda muhim, shuning uchun ba’zi mutaxassislar shlyapa yoki panama kiyishni tavsiya qiladilar, chunki ular yumshoq bo‘lib, sochlarga zarar bermaydigan tabiiy materiallardan tayyorlangan bo‘ladi.
Sochingizni kamroq yuvishga harakat qiling
Sochlarni tez-tez yuvish ularning tabiiy himoya yog‘larini yo‘qotishi mumkin. Issiq havoda tez-tez yuvish qanchalik yoqimli bo‘lsa ham bu yog‘lar sochlaringiz va bosh terisi va quyosh o‘rtasida qo‘shimcha to‘siq yaratadi. Iloji bo‘lsa sochlaringizni shampunlamay, maksimal himoya qilish uchun uchlarini konditsioner bilan yuving.
Iloji boricha ko‘proq suv iching
Jaziramada ko‘p suv ichish har qanday holatda ham muhim va ayniqsa, bu sochlar holatiga katta ta’sir ko‘rsatadi. Bu ularga ichkaridan namlikni saqlab qolishga yordam beradi, bu esa uzoq muddatda o‘sish va tiklanishga ijobiy ta’sir qiladi. Esingizda bo‘lsin, agar suvsizlansangiz, sochlaringiz ham namlikdan mahrum bo‘ladi. Shuning uchun issiq havoda qo‘shimcha suv ichish kerak, ayniqsa, bu teri va yurak kabi boshqa asosiy organlar uchun juda muhimdir.
Izoh (0)