“O‘zagroinspeksiya” xabariga ko‘ra, joriy yil 15-iyul holatiga ko‘ra respublika bo‘yicha jami 2 mln 655 ming 846 tonna, shundan, 1 mln 842 ming 70 tonna bug‘doy davlat zaxirasiga, 572 ming 942 tonna bug‘doy vaqtincha saqlash uchun va 240 ming 834 tonna urug‘lik don qabul qilindi.
Inspeksiyaning hududiy boshqarmalari va tuman bo‘limlari mutaxassislari tomonidan donlarning sifati qayta sinovdan o‘tkazilganda, korxona laboratoriyalari xodimlari tomonidan donning sifatini noto‘g‘ri aniqlash hisobiga fermer xo‘jaliklariga jami 223 mln 291 ming so‘m kam, 5 mln 874 ming so‘m ko‘p to‘langanligi aniqlanib, xo‘jaliklarga qayta hisob-kitob qilish bo‘yicha ko‘rsatmalar berilgan.
Inspeksiyaning hududiy boshqarmalari va tuman bo‘limlari mutaxassislari tomonidan don qabul qilish korxonalariga qabul qilinayotgan donlarning sifati bo‘yicha inspeksiyaga 207 ta nizoli holatlar bo‘yicha murojaatlar bo‘lib, barchasi joyida hal etildi. Shundan, 58 ta holatda bug‘doyning namligi va iflosligi chegaralangan me’yordan yuqoriligi, 36 ta holatda bug‘doyning sinfi, 113 ta holatda mavsumda don topshirish tartibi hamda qayta tahlillar bo‘yicha nizolar hal etildi.
Izoh (0)