Frenki de Yong “Barselona”dan ketadigan bo‘lsa, faqatgina “Bavariya”ga o‘tmoqchi.
Diario Sport nashrining xabar berishicha, yarim himoyachi “Manchester Yunayted”ga o‘tishni istamaydi. Unga Angliya klublari qiziq emas, hatto 2019-yilda “Ayaks”dan ketayotganda ham APL jamoalaridan bo‘lgan takliflarni ko‘rib chiqmagan.
De Yongni “Bavariya” variant qiziqtirmoqda. Jamoa o‘yin uslubi Niderlandiya terma jamoasi o‘yiniga yaqin. Bundesliga va doimiy Chempionlar Ligasi uchun kurash Frenkini o‘ylab ko‘rishga majbur qilishi mumkin. Undan tashqari yaqinda myunxenliklar safiga o‘tishi kutilayotgan Matteys de Ligt xavbekning eng yaqin do‘sti hisoblanadi.
Faqatgina “Bavariya” va “Barselona” o‘rtasidagi Robert Levandovski transferidan so‘ng yuzaga kelgan sovuqchilik de Yongning nemis jamoasiga o‘tishiga to‘sqinlik qilishi mumkin.
Izoh (0)