“Barselona” “Lids” yarim himoyachisi Rafinya bilan shartnoma imzolaganini ma’lum qildi.
Klublar 25 yoshli futbolchining transferi bo‘yicha kelishib oldi, endi Rafinya tibbiy ko‘rikdan o‘tishi lozim bo‘ladi.
Braziliyalik “ko‘k-anorranglilar” bilan 2027-yilga qadar mo‘ljallangan shartnoma imzolaydi.
“Lids” futbolchi uchun 58 million yevro olishi kafolatlangani, yana 7 million bonus sifatida to‘lab berilishi ma’lum bo‘lgandi.
Vinger ortda qolgan mavsum APLda 35 ta o‘yinda maydonga tushib, 11 ta gol va 3 ta golli uzatmaga mualliflik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)