Asal, sharob sirkasi, go‘sht, sersuv pomidor va qizg‘ish pishirilgan baqlajondan tayyorlanadigan salat mazali bo‘lishi bilan birga sizga iliq kayfiyat bag‘ishlaydi. Uni ta’bingizga qarab bezatishingiz mumkin.
Kerakli masalliqlar:
- baqlajon — 1 dona
- pomidor — 3 dona
- petrushka — ta’bga ko‘ra
- mol go‘shti steyki — 1 dona
- tuz — ta’bga ko‘ra
- murch — ta’bga ko'ra
- zaytun yog‘i — 3 qoshiq va undan tashqari qovurish uchun
- asal — yarim qoshiq
- qizil sharob sirkasi — 1 qoshiq
- Baqlajonni o‘rtacha bo‘laklarga bo‘ling, pomidorni ham o‘rtasidan bo‘lib baqlajon bilan bir xil shaklda kesib oling. Petrushkani to‘g‘rang.
- Mol go‘shti steykining har ikki tomoniga tuz va murch seping.
- Qovurmoqchi bo‘lgan idishingizni yog‘lang va o‘rtacha olovda qizdiring. Go‘shtning har tomonini aylantirib bir necha daqiqa qovuring. Plastik idishga soling va folga qog‘ozi bilan o‘rang.
- Idishga yana bir oz yog‘ qo‘shing. Baqlajonni jigari tusga kirguncha qovuring.
- Go‘shtni uzunasiga bilan kesib oling, baqlajonni esa yarmiga yoki chorak bo‘laklarga bo‘lib to‘g‘rang.
- Mol go‘shti, sabzavot va ko‘katlarni aralashtiring. Bir oz tuz va qalampir qo‘shing.
- Keyin yog‘ singishi uchun barcha mahsulotlarni sirka va asal bilan aralashtirib oling. Uni ta’bingizga qarab bezatib oling.
Mavzuga doir:
Izoh (0)