“Taklif juda o‘rinli”. Alisher Qodirov konstitutsiyaviy qonun loyihasi muhokamasi muddati uzaytirilganiga munosabat bildirdi

“O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi konstitutsiyaviy qonun loyihasi umumxalq muhokamasi muddati 15-iyulgacha uzaytirish haqida qaror qabul qilingandi. Qonunchilik palatasi spikeri o‘rinbosari, “Milliy tiklanish” demokratik partiyasi markaziy kengashi raisi Alisher Qodirov muddat uzaytirilganiga munosabat bildirdi.

“Davlat rahbarining konstitutsiyaviy komissiya a’zolari bilan uchrashuvda bir fikr aytilgan edi — ‘xalqimiz nima desa, shu bo‘ladi’. Konstitutsiyaviy islohotlar aynan shu nuqtai nazaridan targ‘ibot-tashviqot qilinyapti. Qonun loyihasi nima uchun umumxalq muhokamasiga qo‘yiladi? Xalqning fikrini bilish uchun. Komissiyaga qonun loyihasi e’lon qilingan kundan boshlab, qisqa muddat bo‘lishiga qaramasdan, minglab tashabbus va takliflar keldi. Bu takliflarning barchasi ko‘rib chiqilyapti.