O‘zbekiston Rossiya meva-sabzavot bozoridan ketgan mamlakatlar o‘rnini egallay boshladi. Bu haqda“Kommersant” xabar berdi.
Masalan, Xitoy va Serbiyadan meva-sabzavot mahsulotlari to‘g‘ridan to‘g‘ri Sverdlovsk viloyatiga yetkazib berilmay qolgani bois O‘zbekiston asosiy yetkazib beruvchiga aylandi.
“O‘zbekistondan yetkazib berilayotgan mahsulotlar ulushi qariyb uch baravar oshdi, – deydi “Rosselxoznadzor” vakili Svetlana Terexova.
Uning ta’kidlashicha, uzoq mamlakatlardan ekzotik mevalarni to‘g‘ridan-to‘g‘ri yetkazib berish to‘xtatilgan, biroq ularning o‘rnini boshqa mamlakatlar egallagan.
Uning so‘zlariga ko‘ra, O‘zbekiston endi Tailand, Vyetnam, Efiopiya va Isroil o‘rniga ekzotik mevalar yetkazib bermoqda.
Avvalroq O‘zbekiston 5 oyda 335 million dollarlik meva-sabzavot eksport qilgani haqida xabar berilgan edi. Bu ko‘rsatkich o‘tgan yilning mos davri bilan solishtirilganda 44 ming tonnaga oshgan.
Izoh (0)