LeEco kompaniyasi 75 dollar evaziga iPhone 13 ning klonini taqdim etdi

Xitoyning LeEco kompaniyasi LeTV brendi ostida mamlakat bozori uchun hamyonbop smartfonlarni taqdim etish bilan shug‘ullanadi. 24-iyun kuni yangi apparat — Y1 Pro’ning savdolari rasman boshlandi, deb xabar beradi Hi-Tech.Mail.ru.

LeTV Y1 Pro piksellari nisbati 1560x720 bo‘lgan 6,5 dyuymli ekranga ega bo‘lgan. Qurilmaning ishlashiga 12 nanometrli Unisoc Tiger T310 chipi javob beradi. Modelning 4+32 gigabayt, 4+128 gigabayt hamda 4+256 gigabayt xotirali versiyalari mavjud.

Batareya sig‘imi 4000 mA/soat bo‘lib, u USB-C port orqali quvvatlanadi. Qurilmagan Android bazasidagi Le OS 9 o‘rnatilgan. Smartfon tashqi ko‘rinishi bilan iPhone 13 modelini yodga soladi — korpus burchaklari qirrali, “qosh” qismi va muqobil kameralar bloki.

Apple’da “ilhomlanilgan” Y1 Pro smartfoni hamyonbop narxga ega bo‘lgan. Hozirda uni Xitoyda 499 yuanga (75 dollar) xarid qilish mumkin.

Avvalroq Xiaomi kompaniyasi Poco F4 va Poco X4 GT smartfonlarini taqdim etgani, Xiaomi ulkan akkumulyator sig‘imiga ega hamyonbop Redmi 10 Power’ni sotuvga chiqargani to‘g‘risida xabar berilgandi.