2022-yilning yanvar—aprel oylarida O‘zbekiston 18 ta xorijiy davlatga 4,1 mln dollarlik 4,3 ming tonna qalampir eksport qilgan. Bu haqda Statistika qo‘mitasi xabar berdi.
O‘zbekistondan eng ko‘p achchiq qalampir sotib olgan davlatlar:
- Qozog‘iston — 2,8 ming tonna;
- Qirg‘iziston — 432 tonna;
- Rossiya — 250 tonna;
- AQSH — 219,4 tonna;
- Germaniya — 143,4 tonna;
- Ukraina — 86,1 tonna;
- Tojikiston — 79,4 tonna.
Qalampir eksporti o‘tgan yilning mos davriga nisbatan 1,1 ming tonnaga kamaygan.
Amalga oshirilmagan rejalar
2018-yilda achchiq qalampirni ommaviy ishlab chiqarish boshlanishi mo‘ljallangan edi.
Hukumat qaroriga ko‘ra, yangi hosil Qoraqalpog‘iston, Buxoro, Qashqadaryo, Namangan, Farg‘ona va Xorazm viloyatlarida 17,1 ming gektardan ortiq maydonda yetishtirilishi rejalashtirilgan.
Indoneziyadan urug‘ olib kelib, qalampir ekish uchun 17 ming 117 gektar yer ajratish rejalashtirilgan. Bu maydondan yiliga 200 ming tonnadan ortiq hosil olinishi kutilmoqda.
EastFruit ekspertlarining qayd etishicha, rejalar ko‘p sabablarga ko‘ra amalga oshirilmagan. Soha bo‘yicha bilimlarning yetishmasligi, past hosildor tuproqdan foydalanish, moliyalashtirish bilan bog‘liq muammolar va tashkiliy bo‘limlar o‘rtasidagi muvofiqlashtirishning yo‘qligini sabab qilib ko‘rsatish mumkin.
Avvalroq O‘zbekiston yanvar oyida 1,5 mln dollarlik qalampir eksport qilgani haqida xabar berilgan edi.
Izoh (0)