O‘zbekistonga 4 oyda 17,4 mln dollarlik parranda go‘shti import qilindi

O‘zbekistonga yanvar—aprel oylarida 15 ta davlatdan qiymati 17,4 million dollarga teng bo‘lgan 18,1 ming tonna parranda go‘shti import qilingan. Bu haqda Davlat statistika qo‘mitasi xabar qildi.

Qayd etilishicha, parranda go‘shti importi o‘tgan yilning mos davri bilan solishtirilganda 2,7 ming tonnaga oshgan. 4 oyida O‘zbekiston eng ko‘p parranda go‘shtini import qilgan Polsha — 5 ming tonna. Keyingi o‘rinlardan Turkiya va Rossiya joy olgan. To‘liq ro‘yxat quyida:

• Polsha – 5 ming tonna;
• Turkiya – 3,2 ming tonna;
• Rossiya – 2,7 ming tonna;
• Belgiya – 2,2 ming tonna;
• AQSH – 1,5 ming tonna;
• Niderlandiya – 816 tonna;
• Litva – 607 tonna;
• Germaniya – 423 tonna.