Navoiy viloyati, Zarafshon shahrida joylashgan mehmonxona kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 2 qavat va 33 ta xonadan iborat bu bino to‘liq holatda savdoga chiqarilmoqda.
Yer uchastkasining umumiy maydoni 11 gektar. Binoning maydoni — 632,94 kvadrat metr. Binoda gaz, suv, kanalizatsiya va elektr ta’minoti mavjud emas.
Auksionga qo‘yilgan binoning boshlang‘ich bahosi — 36,1 mlrd so‘m. Arizalar 30-may 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq “Burgalik” dam olish oromgohi auksionga qo‘yilgani haqida xabar berilgan edi.
Izoh (0)