Rossiya Markaziy banki bir oydan ko‘proq vaqt ichida uchinchi marta foiz stavkasini pasaytirishini e’lon qildi. Bloomberg nashri Rossiyada asosiy stavka pasayishini tahlil qildi.
Regulyator qarz olish xarajatlari yana ham tushishi mumkinligini aytdi. Bu esa Ukrainaga bostirib kirishdan keyin moliyaviy himoyani yo‘qotib, rubl kursini o‘sishdan to‘xtatdi.
Rossiya Markaziy banki bugun, 26-may kuni asosiy stavkani 14 foizdan 11 foizga tushirdi. Asosiy stavka pasayishi e’lon qilinganidan keyin rubl keskin tushib ketdi.
Aprel oyidan beri asosiy stavkaning to‘qqiz foizlik pasayishidan so‘ng, Markaziy bank gubernatori Elvira Nabiullina kelgusi yig‘ilishlarda stavkalarni yanada pasaytirish imkoniyati ko‘rib chiqilishini aytdi.
Bayonotda siyosatchilar valyuta kursi inflyatsiyaning sekinlashishiga hissa qo‘shganini ta’kidladi, biroq rublning pasayishi haqida aytmagan.
Kelgusi choraklar oson bo‘lmaydi. Iqtisodiyot moslashar ekan, bu kompaniyalar va fuqarolar uchun qiyin bo‘ladi, — deydi Nabiullina.So‘nggi kunlarda rubl butun dunyoda keskin ko‘tarilishi ortidan dunyodagi eng mustahkam valyutaga aylangan edi. Inflyatsiyaning kutilganidan tezroq sekinlashishi ortidan asosiy stavka pasaytirildi va bu rublning keskin ko‘tarilishi yo‘lida to‘sqinlik qildi.
Rossiyaga nisbatan joriy etilgan keng qamrovli sanksiyalarga qaramay, eksport va kapital nazoratining kuchayishi valyutaga bo‘lgan talabni pasaytirdi va rubl kursini 2018-yildan beri eng yuqori darajaga ko‘tardi.
Asosiy stavka pasayishi to‘g‘risidagi qaror qabul qilingandan keyin rubl dollarga nisbatan 7,7 foizgacha zaiflashdi. Bu bir oy ichida kunlik eng katta pasayishdir.
Avvalroq Rossiyada o‘tgan yilning avgustidan beri ilk bor narxlar tushib, deflyatsiya yuz bergani haqida xabar berilgandi.
Oxirgi marta deflyatsiya 2021-yilning 10—16-avgust kunlarida qayd etilgan. Keyin bu meva va sabzavotlar narxining pasayishi bilan bog‘liq ko‘pincha sodir bo‘ladigan hodisa edi.
Izoh (0)