Ijtimoiy tarmoqlarda Xovos tumanida “Qalqon” MCHJ xodimlarining qonunga xilof xatti-harakatlari tasvirlangan videolar tarqaldi. Sirdaryo viloyati IIB holat yuzasidan ma’lumot berdi.
Ijtimoiy tarmoqlarda “Qalqon” MCHJ xodimlari fohishaxonaga bostirib kirib, u yerdagi erkaklarni kaltaklagani tasvirlangan video tarqaldi. Kadrda IIB xodimini ham ko‘rish mumkin. Ma’lum qilinishicha, keng muhokamalarga sabab bo‘layotgan “Qalqon” MCHJ xodimlarining qonunga xilof xatti-harakatlari yuzasidan Sirdaryo viloyati IIB mas’ul xodimlari tomonidan o‘rganish ishlari olib borilmoqda.
Ma’lumot uchun, Sirdaryo viloyati Xovos tuman adliya organlari tomonidan ro‘yxatga olingan “Qalqon 777” mas’uliyati cheklangan jamiyati shartnoma asosida tadbirkorlik subyektlari bino va inshootlarini qo‘riqlash vazifasini bajarib, jamoat tartibini saqlashga oid masalalarni bajarish vakolati yo‘q.
Izoh (0)