Global elita a’zolari pandemiya sababli ikki yillik tanaffusdan so‘ng Davosga qaytib yig‘ilishdi. Bu haqda Bloomberg xabar berdi.
Butunjahon iqtisodiy forumi (WEF)ning yillik yig‘ilishi dushanba kuni Shveysariyaning chang‘i kurortida boshlanadi.
Ukrainadagi urush, jumladan, inflyatsiyaning keskin o‘sishi, oziq-ovqat tanqisligi xavfi va iqlim o‘zgarishini hisobga olinsa, muhokama qilish uchun muammolar yetarli.
Birinchi kunning asosiy voqeasi — Ukraina prezidenti Vladimir Zelenskiyning virtual nutqi.
Panellarda Xalqaro Valyuta jamg‘armasining boshqaruvchi direktori Kristalina Georgiyeva va Fransiya banki gubernatori Fransua Villeroy de Galhau chiqishmoqda.
Credit Suisse Group bosh ijrochi direktori Tomas Gottshteyn, bir qator janjallar va iqtisodiy muammolar tufayli bosim ostida bo‘lib, o‘z lavozimida davom etish uchun boshqaruv kengashidan aniq vakolat borligini aytdi.
Gottshteynga ko‘ra, u o‘zining asosiy e’tiborini bank strategiyasini amalga oshirishga qaratib, boshqaruv kengashining boshqa a’zolari bilan yaxshi ishlamoqda.
Germaniya Iqtisodiyot vaziri Robert Xabekning ta’kidlashicha, WEF siyosatchilarga yaqinlashib kelayotgan global oziq-ovqat “falokatini” qanday hal qilish bo‘yicha strategiyani muvofiqlashtirishda yordam berishi mumkin.
Xabek nutqi davomida Rossiya prezidenti Vladimir Putinni ochlikdan qurol sifatida foydalanayotganlikda aybladi.
Davosdagi vazifa ochlikdan qurol sifatida foydalanilayotganini tan olishimizdir. Shuning uchun muhokamalar bu yerda yana shaxsan bo‘lib o‘tayotgani va juda ko‘p odamlar kelayotgani yaxshi, — deya qo‘shimcha qildi u.Jahon sog‘liqni saqlash tashkilotidagi maxsus vakil 94 mamlakatda og‘ir ocharchilik yoki ochlik xavfi borligi va iste’mol narxlarining ko‘tarilishi haqida ogohlantirdi.
Ushbu yashash qiymati inqirozi biz to‘rt yoki besh o‘n yillikda ko‘rgan eng yomon iqtisodiy va ijtimoiy muammolarga olib kelishi mumkin, — dedi JSSTning COVID 19 bo‘yicha maxsus vakili Devid Nabarro.Uning qo‘shimcha qilishicha, energiya tanqisligi ishlab chiqarish xarajatlarini oshirib, o‘g‘it tanqisligiga olib keladi, bu esa 1,7 milliard odamga ta’sir qilishi mumkin.
Avvalroq oziq-ovqat narxlari xavotirlanarli darajada oshayotgani haqida xabar berilgan edi.
Izoh (0)