Bangkokda bo‘lib o‘tayotgan Osiyo-Tinch okeani iqtisodiy hamkorligi (OTIH) sammiti doirasidagi savdo vazirlari uchrashuvida Rossiya iqtisodiy rivojlanish vaziri Maksim Reshetnikov nutq so‘zlayotgan paytda AQSH, Kanada, Yangi Zelandiya, Yaponiya va Avstraliya vakillari zaldan chiqib ketdi. Bu haqda Meduza xabar bermoqda.
O‘z ismini oshkor qilmagan diplomat besh mamlakat vakillari “Rossiyaning Ukrainadagi noqonuniy tajovuzkor urushi va uning OTIH mintaqasidagi iqtisodiy oqibatlari”ga qarshi norozilik belgisi sifatida uchrashuvni tark etganini aytgan.
Yana bir diplomatning so‘zlariga ko‘ra, norozilikni uyushtirgan besh mamlakat 22-may kuni e’lon qilinadigan OTIH yakuniy bayonotida “urushga nisbatan yanada qat’iyroq ta’riflar” qo‘llanilishini istagan.
Tailandlik mansabdorning aytishicha, besh mamlakat delegatsiyalari Reshetnikovning nutqi tugaganidan keyin uchrashuvga qaytib kelgan.
Keyinroq AQSHning ma’ruzasi chog‘ida Rossiya delegatsiyasi uchrashuvdan chiqib ketgan.
Osiyo-Tinch okeani iqtisodiy sammiti 1989-yilda tuzilgan bo‘lib, unga Avstraliya, Bruney, Vyetnam, Gonkong, Indoneziya, Kanada, Xitoy, Malayziya, Meksika, Yangi Zelandiya, Papua-Yangi Gvineya, Peru, Singapur, AQSh, Tailand, Tayvan, Filippin, Chili, Janubiy Koreya va Yaponiya kiradi. Rossiya OTIHga 1998-yilda qo‘shilgan.
Mavzuga doir:
- AQSH va Rossiya mudofaa vazirlari Ukrainada urush boshlanganidan beri ilk bor muzokara o‘tkazdi. Pentagon Ukrainadagi harbiy harakatlarni zudlik bilan to‘xtatishni so‘ramoqda
- Bayden Putinda hozir Ukrainadagi urushdan chiqish rejasi yo‘qligidan xavotir bildirdi
- Mart oyida AQSHdan Rossiyaga tovarlar yetkazib berish besh barobarga kamaydi
Izoh (0)