Toshkentda 7 mln so‘m evaziga fuqaroni o‘qishini xorijdan ko‘chirtirib berishini va’da qilgan shaxs ushlandi

Toshkent shahri Chilonzor tumanida pul evaziga fuqaro o‘qishini ko‘chirib berishni va’da qilgan shaxs qo‘lga olindi, deya xabar qilmoqda shahar IIBB.

Ma’lum qilinishicha, Chilonzor tumani IIO FMBga 28 yoshli M. (ayol) ariza bilan murojaat qilib, 27 yoshli B.S. unga Qozog‘istondagi oliy o‘quv yurtidan Toshkent davlat pedagogika universitetiga o‘qishini ko‘chirishga yordam qilishini va‘da bergan.

Buning uchun B.M.dan 7 million so‘m pullarini olib, va‘dasini bajarmagan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Tergov harakatlari davom etmoqda.