Ijtimoiy tarmoqda tarqalgan Shayxontohur tumanida sodir bo‘lgan yo‘l-transport hodisasi oqibatida Epica avtomobili ag‘darilib ketgani tasvirlangan video tarqaldi. IIV YHXX holat yuzasidan ma’lumot berdi.
Ma’lum qilinishicha, 9-may kuni soat 21:30 larda Shayxontohur tumani Ko‘kcha Darvoza ko‘chasida joylashgan Evos binosi ro‘parasida 28 yoshli haydovchi O.R. boshqaruvidagi Epica hamda 25 yoshli B.P. boshqaruvida bo‘lgan Matiz avtomobili ishtirokida to‘qnashuv sodir bo‘lgan.
Avariya oqibatida Epica salonida bo‘lgan yo‘lovchi 52 yoshli M.K. tan jarohati olgani sababli shifoxonaga yotqizilgan.
Ushbu YTH yuzasidan tuman IIO FMB huzuridagi tergov bo‘limi tomonidan tergovga qadar surishtiruv harakatlari olib borilmoqda.
Avvalroq Toshkentda Cobalt va Spark to‘qnashgani, Farg‘onada yuk mashinasi ag‘darilib, Lacetti va Cobalt’ga borib urilishi oqibatida kishi vafot etgani, Samarqandda 4 kishi Nexia’da yonib ketgani to‘g‘risida xabar berilgandi.
Izoh (0)