To‘rt yil oldin auksion orqali 70 million dollarga sotilgan 1962-yilda ishlab chiqarilgan Ferrari 250 GT bugungi kunga qadar dunyodagi eng qimmat avtomobil hisoblanar edi. Motorious nashrining yozishicha, Mercedes-Benz kompaniyasi yashirin xayriya auksionida 1956-yilgi 300 SLR Uhlenhaut Coupe noyob sportkarini sotgan. Mish-mishlarga ko‘ra, eksklyuziv model 136,8 million dollarga yangi egasini topgan.
Daimler-Benz qattiq tomli 300 SLR poyga kupesini 1956-yilgi mavsum uchun maxsus ishlab chiqargan. Biroq kompaniya avtosportdan ketgani sabab, nemis sportkari birorta musobaqada ishtirok etmagan. Bu kabi qarorni firma 1955-yilning 11-iyunida bo‘lib o‘tgan Le-Mandagi 24 soatli poygadan so‘ng qabul qilgan. Poyga vaqtida sodir bo‘lgan mudhish avariya oqibatida poygachi Pyer Buylen, shuningdek, 83 nafar tomoshabin halok bo‘lgan. Bundan tashqari, 180 kishi turli tan jarohatlarini olgan.
Nemislar poygadan vaqtincha ketganiga qaramay, o‘sha vaqtda ikkita 300 SLR sportkupesini tayyorlashga ulgurgan. Avtomobillardan birini markaning sinov bo‘limi rahbari Rudolf Ulenxaut o‘ziga olib ketgan bo‘lib, noyob modeldan xizmat mashinasi sifatida foydalangan.
Mish-mishlarga ko‘ra, savdo baribir amalga oshgan. Manbaning qayd etishicha, eksklyuziv poyga mashinasi uchun 136,8 million dollar to‘lashgan.
Bundan oldin Brabus kompaniyasi Mercedes-Maybach GLS 600 ning originalidan uch barobar qimmat versiyasini taqdim etgani, Sotheby’s auksioni orqali 10 yillik noyob Lexus sportkari 1 mln dollarga sotilishi to‘g‘risida xabar berilgandi.
Izoh (0)