Jahon amaliyotidan yaxshi ma’lumki, eng yirik va muvaffaqiyatli kompaniyalarning afzallik jihatlari, xizmat ko‘rsatishdagi qulaylik va tezkorligidadir. Taqdim etilayotgan xizmatlar odamlar turmush tarzining yengillashishiga hissa qo‘shishi kerak. Mijozlariga eng yaxshisini taqdim etishga odatlangan “Agrobank” ham ayni shu jihatni inobatga olgan holda, o‘zining zamonaviy, ixcham smart ofisini taqdim etdi.
Smart ofislarning ish boshlagani tadbirkorlar uchun ham, oddiy odamlar uchun ham ayni muddao bo‘ldi. Sababi, endi birgina shu “aqlli ofis”ning o‘zida naqd pul yechib olishdan tortib, kredit rasmiylashtirishgacha bo‘lgan barcha amaliyotlarni tez va sifatli bajarish mumkin.
Smart ofis bank xodimlari ishtirokisiz 24/7 rejimida ishlaydi, hatto tun mahalida ham plastik kartadan pul olishingiz yoki boshqa bank xizmatlaridan foydalanishingiz zarur bo‘lsa, bemalol ushbu smart ofisga tashrif buyurishingiz mumkin. Barcha smart ofislar kartomat, avtomatlashtirilgan depozit mashina, Video teller mashinasi, bankomat, infokiosk, resepshn robot hamda TouchScreen kabi zamonaviy qurilmalar bilan jihozlangan.
Mijozlarni dastlab resepshn robot kutib oladi va bank tomonidan ko‘rsatilayotgan barcha xizmat turlari, o‘tkazilayotgan aksiyalar va yangiliklar haqida ma’lumot beradi.
Agar siz Humo va Visa plastik kartalarini olishingiz yoki muddati o‘tgan, nosoz plastik kartalarni almashtirishingiz kerak bo‘lsa, kartomatdan foydalanishingiz mumkin. Yangi kartangiz atigi bir necha daqiqa ichida tayyor bo‘ladi.
Plastik kartani to‘ldirish, xorijdan pul qabul qilish yoki yuborish, omonat rasmiylashtirish, hisob raqamlarni ochish va to‘ldirish yoki kredit rasmiylashtirish xizmatidan foydalanish uchun esa Video teller uskunasi yordam beradi.
Shuningdek, smart ofisga yangi 6683 rusumli bankomat o‘rnatilgan. E’tiborlisi, mazkur bankomat yordamida pul yechib olish uchun yoningizda plastik karta bo‘lishi shart emas. Xizmatdan foydalanish uchun smartfoningiz “Agrobank” mobil ilovasiga ulangan bo‘lishi kerak.
Smart ofisda tadbirkorlar uchun ham qulayliklar yaratilgan, xususan, avtomatlashtirilgan depozit mashinasi yuridik shaxs va yakka tartibdagi tadbirkorlarga hisob raqamlariga inkassatsiya qilish, naqd milliy valyuta orqali barcha turdagi plastik kartalarni to‘ldirish va “Agrobank” tomonidan rasmiylashtirilgan kreditga hisoblangan foizlarni so‘ndirish imkonini beradi.
Zamonaviy smart ofislarni har bir viloyat hamda tuman markazlarida qurish rejalashtirilgan.
Ma’lumot uchun
“Agrobank” respublikamizning yirik tijorat banklaridan biri bo‘lib, 170 ta filial, 146 ta bank xizmatlari markazlari, 498 ta 24/7 ko‘rinishidagi avtomatlashgan shoxobchalar tarmog‘iga ega.
Reklama huquqi asosida.
Izoh (0)