Toshkent shahar Mirobod tumanidagi Axborot texnologiyalari va kommunikatsiyalarini rivojlantirish vazirligiga qarashli ma’muriy binolar kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
2012-yilda qurilgan binoning ijara huquqi auksionga qo‘yilmoqda. Yaratilishi kerak bo‘lgan ish o‘rinlari va investitsion majburiyatlar portalda ko‘rsatilmagan.
Yer uchastkasining umumiy maydoni 0,26 gektar. Binoning maydoni — 3 666 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan binoning boshlang‘ich bahosi — 66,5 mlrd so‘m. Arizalar 16-may 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Qo‘yliqdagi 5 xonali kvartira 1,5 mlrd so‘mga auksionga qo‘yilgani haqida xabar berilgan edi.
Izoh (0)