MDH davlatlaridan kelgan turistlar o‘rtacha bir safar uchun 635 dollarni sarflaydi. Bu haqda YUNVTO huzuridagi Ipak yo‘li byurosi maslahatchisi, f.f.n. Shuhrat Isaqulov ma’lum qildi.
Uning so‘zlariga ko‘ra, bunda Rossiya, Ukraina, Belarus va Armanistondan kelgan sayyohlar nazarda tutilgan.
Markaziy osiyoliklar ancha kam sarflaydi — qozog‘istonliklar, taxminan, 158,3 dollar, turkmanistonliklar 104,6 dollar, qirg‘izistonliklar 99,3 dollar, tojikistonliklar 60,4 dollar.
Bu ushbu mamlakatlardan O‘zbekistonga sayohat qilish muddatining nisbatan qisqaligi bilan bog‘liqdir, — deya tushuntirdi Isaqulov.
Shuningdek, u xorijlik sayyohlar bir sayohatga o‘rtacha 709,4 dollarga yaqin mablag‘ sarflashini ta’kidladi.
Avvalroq O‘zbekistondagi mehmonxonalarda bo‘sh xonalar soni keskin qisqargani haqida xabar berilgan edi.
