Samarqand viloyatining Oqdaryo tumanida joylashgan mashina-traktor parkida yong‘in sodir bo‘ldi. Bu haqda viloyat FVB matbuot xizmati xabar berdi.
Ma’lum qilinishicha, 7-aprel kuni soat 05:56 da Samarqand viloyati Oqdaryo tumani “Navro‘z” MFY O‘zbekiston ko‘chasida joylashgan “Agro Servis” mashina-traktor parkida yong‘in sodir bo‘layotgani to‘g‘risida tuman Favqulodda vaziyatlar bo‘limiga xabar kelib tushgan.
Voqea joyiga 5 ta yong‘in-qutqaruv ekipaji soat 06:00 da yetib borgan va yong‘in soat 06:50 da to‘liq bartaraf etilgan.
Yong‘in natijasida mashina-traktor parkining tokarlik sexining 150 kvadrat metr maydonda shift, tom va ichki qismidagi dastgohlari yonib zararlangan. Hodisa oqibatida halok bo‘lgan va jabrlanganlar yo‘q.
Hozirda yong‘inning kelib chiqish sababi va keltirilgan moddiy zarar miqdori aniqlanmoqda.
Avvalroq Toshkentdagi oziq-ovqat do‘konlarining birida yong‘in chiqqani, Andijondagi mahallalarning birida joylashgan elektr “shit” yonib ketgani, Namangandagi “Chorsu” dehqon bozorida yong‘in yuz bergani, Toshkentdagi xonadonda telefon quvvatlash moslamasidan yong‘in chiqqani to‘g‘risida xabar berilgandi.
Izoh (0)