O‘zbekistondagi 35 ta universitetga rektorlarni lavozimga tayinlash vakolati berilishi mumkin

Oliy va o‘rta maxsus ta’lim vazirligi “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish haqida”gi qonun loyihasini muhokamaga qo‘ydi.

Qonun loyihasiga ko‘ra:

• ilmiy kengash a’zolarining yarmidan ko‘pi mazkur kengashni tuzgan, ilmiy tashkilot va ta’lim muassasasida faoliyat yuritayotgan olimlardan iborat bo‘lishi sharti bekor qilinmoqda;
• faqat davlat ta’lim muassasalarida o‘qitiladigan ta’lim yo‘nalishlari, mutaxassisliklar va kasblar ro‘yxatini tasdiqlash Vazirlar Mahkamasi vakolatidan chiqarilmoqda.

Shuningdek, hujjat bilan 35 ta universitetga rektorlarni lavozimga tayinlash yoki ozod etish vakolati berilishi kutilmoqda.

Avvalroq oliy va o‘rta maxsus ta’lim vaziri Abduqodir Toshqulov oliy ta’lim ilmiy salohiyat o‘sayotganiga shubha qiluvchilarga munosabat bildirib, “23 ta OTMning prorektorlari vazirlikka tasdiqlanmagan ma’lumot taqdim etgan”ini ma’lum qilgandi.