Buyuk Britaniya qirolichasi Yelizaveta II 29-mart kuni besh oylik tanaffusdan keyin ilk bor omma oldida ko‘rinish berdi. Bu haqda Meduza xabar bergan.

U 2021-yil aprel oyida vafot etgan turmush o‘rtog‘i shahzoda Filippni xotirlab o‘tkazilgan tadbirda ishtirok etdi. 95 yoshli qirolicha tadbirga o‘g‘li shahzoda Endryu hamrohligida hassaga tayangan holda tashrif buyurgan.

2022-yilda Yelizaveta II Buyuk Britaniya qirolligi taxtiga o‘tirganiga 70 yil to‘ladi. Ushbu sanani nishonlashga bag‘ishlangan asosiy tanatanalar iyun oyida bo‘lib o‘tadi, ularda qirolichaning ishtiroki qanday bo‘lishi haqida hozircha ma’lumotlar mavjud emas.