O‘zbekiston musulmonlari idorasida Ramazon oyini munosib kutib olish va islom dini tartib-qoidalari asosida oyni kuzatish bo‘yicha ishchi guruh tuzildi. Bu haqda idora matbuot xizmati xabar berdi.
Ma’lum qilinishicha, taniqli ulamolar va malakali mutaxassislardan iborat ishchi guruh Ramazon oyi kirishini astronomik tahlillar asosida kuzatib boradi va uning natijalarini O‘zbekiston musulmonlari idorasi Ulamolar kengashiga kiritadi. Ramazon oyi boshlanishi haqidagi xabar Ulamolar kengashi tomonidan ko‘rib chiqiladi.
25-mart kuni Nur-Sulton shahrida mamlakat bosh muftiysi Navro‘zbay Tag‘anuli raisligida Qozog‘iston musulmonlari idorasi prezidium yig‘ilishi o‘tkazilgandi. Yig‘ilishda Qozog‘istonda 2022-yildagi Ramazon oyi 2-apreldan boshlanib, 2-mayga qadar davom etishi e’lon qilingan. Ta’kidlanishicha, Ramazon oyining boshlanishiga doir qaror O‘zbekiston va Qirg‘iziston muftiyatlari bilan kelishuv asosida qabul qilingan.
Eslatib o‘tamiz, 2021-yilda O‘zbekistonda Ramazon oyi 13-apreldan boshlangan, mamlakatdagi 1400 ga yaqin masjidda Qur’oni karim xatm qilingan edi.
Mavzuga doir: “Ramazon oyida Umra narxi oshadi” — Musulmonlar idorasi
Izoh (0)