Ijtimoiy tarmoqlarda Samarqand shahrida noma’lum erkak 7 yoshli qizni taqib qilib, uyatsiz harakatlar qilgani, otasi kelib qolgach, qochib ketgani aytilgan xabarlar tarqaldi. Bosh prokuratura matbuot kotibi Hayot Shamsutdinov holat bo‘yicha “Daryo”ga ma’lumot berdi.
Qayd etilishicha, 28-mart kuni Samarqand shahri B.Yo‘li ko‘chasida yashovchi G‘.B. (1985-yil tug‘ilgan) ichki ishlar bo‘limiga ariza bilan murojaat qilgan. Unda aytilishicha, 27-mart kuni soat taxminan 16:30 larda voyaga yetmagan qizi Y.Z. (2015-yilda tug‘ilgan) uyidan pastga tushayotgan vaqtida kirish yo‘lagi eshigi yonida noma’lum shaxs unga shimini yechgan holda uyatsiz harakatlar qilib turganini ko‘rgan. Fuqaro ushbu noma’lum shaxsga nisbatan qonuniy chora ko‘rishni so‘ragan.
Gumonlanuvchi: yoshi taxminan 40-45 yoshlarda, rus millatiga mansub, bo‘yi taxminan 165-170 sm, egnida qora rangli o‘ng qo‘lida oq yozuvli sport kiyimi, yuzida tibbiy niqob bo‘lgan.
Holat yuzasidan gumonlanuvchining shaxsini aniqlash borasida tezkor-surishtiruv harakatlari o‘tkazilmoqda.
Mavzuga doir:
Izoh (0)