Qashqadaryo viloyati IIB JTSB Karantin tadbirlarni ta’minlash bo‘linmasi hamda Veterinariya va chorvachilikni rivojlantirish bo‘limi xodimlari “Umakay” YPX maskanida Toshkentga olib ketilayotgan noma’lum hayvon go‘shtini to‘xtatib qoldi. Bu haqda viloyat IIB matbuot xizmati xabar berdi.
Ma’lum qilinishicha, Chiroqchi tuman hududida joylashgan “Umakay” YPX maskanida Qashqadaryo—Toshkent yo‘nalishida harakatlanib ketayotgan Nexia rusumli avtotransport vositasi to‘xtatilgan. Tekshiruv davomida avtomobil veterinariya-sanitariya talablariga zid ravishda hech qanday hujjatlarsiz, kelib chiqishi noma’lum bo‘lgan taxminan 900 kilogramm og‘irlikdagi go‘sht mahsulotlari olib ketilayotgani ma’lum bo‘lgan.
Avvalroq Jizzaxda sanitariya qoidalariga zid ravishda olib ketilayotgan 184 kg go‘sht aniqlangani, Qashqadaryoda Cobalt yukxonasidan hujjatsiz 230 kg go‘sht topilgani, Farg‘onada 14,5 tonna go‘shtni ko‘mir ostiga yashirib, Tojikistonga olib o‘tishga uringan shaxslar aniqlangani to‘g‘risida xabar berilgandi.
Izoh (0)