“O‘zgidromet” 11—15-mart kunlari kutilayotgan kuchli yomg‘irlar yog‘ishi sababli respublikaning tog‘oldi va tog‘li hududlarida sel xavfidan ogohlantirdi.
Qayd etilishicha, quyidagi hududlarda sel kelishi xavfi mavjud:
- Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor, Koson, tumanlarida;
- Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqorg‘on tumanlarida;
- Samarqand viloyati: Urgut, Samarkand, Bulung‘ur, Nurobod, Qo‘shrabot, Kattago‘rg‘on tumanlarida;
- Navoiy viloyati: Xatirchi, Navbahor, Nurota, Konimex, Karmana tumanlarida;
- Jizzax viloyati: Zomin, Baxmal, G‘allorol, Sharof Rashidov, Forish, Yangiobod, Zafarabod tumanlarida;
- Toshkent viloyati: Ohangaron, Bo‘stonliq, Parkent, Yuqori-Chirchiq, Piskent tumanlarida;
- Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
- Farg‘ona viloyati: So‘x, Farg‘ona, Beshariq tumanlarida;
- Andijon viloyati: Andijon, Jalolquduq, Qo‘rg‘ontepa, Paxtaobod, Ulug‘nor tumanlarida.
Ma’lumot uchun, respublikaning tog‘oldi va tog‘li hududlarida sel xavfi mart oyi boshidan buyon saqlanib qolmoqda. “O‘zgidromet” beqaror ob-havo ish haftasining oxirigacha saqlanib turishini prognoz qilgan.
Izoh (0)